स्याङ्जाको भीरकोट नगरपालिका ७ को आयोजनामा शनिबार भएको वडास्तरीय तीज गीत प्रतियोगितामा सृजनशिल आमा समुह तिलाहार प्रथम भएको छ । 
प्रतियोगितामा गृहलक्ष्मी आमा समस्ह गहते मर्तमास द्वितीय, जनजागृति आमा समुह जिमिरे तृतीय र खिलुङ कालिका आमा समुह सान्त्वना भएको वडाध्यक्ष ताराप्रसाद अर्यालले जानकारी दिए । प्रथम भएको सिर्जनशीलले नगद १५ हजार रुपैयाँसहित प्रमाण पत्र प्राप्त ग¥यो । दोस्रो भएको गृहलक्ष्मी, तेस्रो जनजागृति र सान्त्वना खिलुङ कालिकाले क्रमशः १०, ५ र २ हजार रुपैयाँसहित प्रमाण पत्र प्रदान गरिएको वडाध्यक्ष अर्यालले बताए । उनीहरुलाई गण्डकी प्रदेशका पूर्वमन्त्री मेखलाल श्रेष्ठ, भीरकोट नगरपालिकाका प्रमुख गोविन्दकुमार कर्माचार्य, उपप्रमुख भगवती रेग्मी अर्याल, वडाध्यक्ष ताराप्रसाद अर्याललगायतले पुरस्कार वितरण गरेका थिए । प्रतियोगितालाई आगामी वर्ष पनि निरन्तरता दिइने वडाध्यक्ष अर्यालले जानकारी दिए । उनले भने, ‘संस्कृतिको जगेर्ना र गीत मार्फत जनप्रतिनिधिहरुले गर्नुपर्ने काम र गुनासो सुन्ने सुनाउने उद्देश्यले आयोजना गरिएको हो । यसलाई आगामी वर्ष पनि निरन्तरता दिनेछौं ।’ 
