क्रिस्टियानोरोनाल्डो भित्र्याएर युभेन्टस्ले गल्ती गरेको धारणा इटलीका पूर्व फरवार्ड एन्टोनियो कासानोले राखेका छन् । २०१८ मा रोनाल्डो युभेन्टस्सँग आबद्ध भएका थिए । उनले क्लबलाई युरोपेली च्याम्पियन्स लिग जिताउने आशा गरिएको थियो, तर यो लक्ष्य अझै पुरा भएको छैन । र, पाँच पटकका बेलोन डि अर विजेता रोनाल्डोलाई क्लबमा ल्याउनु गलत साबित भएको धारणा कासानोले राखेका छन् ।
‘युभेन्टस्ले च्याम्पियन्स लिग जित्नका लागि उनलाई आबद्ध गरेको थियो । तर यस प्रतियोगितामा युभेन्टस्ले उनी आउनुभन्दा पहिले गरेजस्तो प्रदर्शन गर्न सकेको छैन,’ कासानोले भने,‘ युभेन्टस्ले उनी बिना नै सिरिए उपाधि जित्ने थियो । त्यसैले यो प्रोजेक्ट गलत भयो । उनले उत्कृष्ट प्रदर्शन र गोल गरिरहेका छन् । तर युभेन्टस्ले च्याम्पिन्स लिग जित्न नसकेसम्म उनी आउनुको महत्व साबित हुन्न ।’
३६ वर्षीय रोनाल्डोले क्लबमा आएयता दुईपटक सिरि ए उपाधि जितिसकेका छन् । उनी २०१९ मा सिरिए वर्ष खेलाडी पनि घोषित भएका थिए । यद्यपी, उनले क्लबका तर्फबाट खेलेका दुई च्याम्पियन्स लिगमध्ये दुई प्रतियोगिता खल्लो रह्यो । एकपटक युभेन्टस् क्वाटरफाइनलबाट बाहिरियो भने अर्कोपटक अन्तिम १६ बाटै बाहिरियो ।
रोनाल्डोलाई युभेन्टस् ल्याउनु गलत कासानो
रोनाल्डोलाई युभेन्टस् ल्याउनु गलत कासानो
Advertisement
Advertisement
तपाईको प्रतिक्रिया
संबन्धित शिर्षकहरु
१०औँ राष्ट्रिय खेलकुद प्रतियोगिता मंसिर १६ देखि २९ गतेसम्म कर्णाली प्रदेशमा हुने
विश्वकप २०२७ को खेलतालिका सार्वजनिक, पहिलो खेलमै भारत र अस्ट्रेलिया भिड्ने
