मुस्ताङमा स्थानीय एक किसानले स्थापना गरेको च्याङग्रा गोठमा बाघ पसेर आक्रमण गर्दा २२ वटा च्याङ्ग्रा मरेका छन् भने तीन वटा हराएका छन्।
मुस्ताङ जिल्ला घरपझोङ गाँउपालिका-२ बस्ने ५४ वर्षको श्याम प्रशाद लालचनले सोही गाँउपालिका-१ थाले वनमा स्थापना रहेको च्याङग्रा गोठमा बाघले आक्रमण गर्दा त्यति धेरै क्षति भएको हो। आइतबार रातको समयमा रमा (च्याङग्राको पोथी जाति) लाई बाघले अचानक आ’क्रमण गरेको बताइएको छ।
मार्फाका स्थानीय पशुपालक श्यामप्रसाद लालचनको च्याङग्रा गोठमा करिव १ सय बढी च्याङग्रा भएको जानकारी दिए। पीडित किसान लालचनका अनुसार बाघको आक्रमण गरी मरेका र बेपत्ता भएका पशुचौपायाबाट करिव पांच लाख क्षति भएको बताएका छन्।
यता बाघको आक्रमणबाट क्षति ब्यहोर्न परेका किसानलाई अन्नपूर्ण सन्रक्षण क्षेत्र आयोजना (एक्याप)ले २० प्रतिशत क्षतिपूर्ति उपलब्ध गराउने एक्याप जोमसोमका कार्यालय प्रमुख तुलसी दाहालले जानकारी दिए। उनका अनुसार घटना स्थल वरिपरि कुन बन्यजन्तुको आक्रमणबाट मरेको हो भन्ने पत्ता लगाउन क्यामेरा ट्यापिङ गरिएको बताए।
