बस बहादुर शेर्पा (बसन्त)

गण्डकी प्रदेशस्तरीय महिला÷पुरुष ह्यान्डबल प्रतियोगिता सुरु भएको छ । प्रदेश खेलकुद
परिषद गण्डकीको आयोजना तथा गण्डकी प्रदेश ह्यान्डबल संघको व्यवस्थापनमा पोखरा
रंगशालामा ह्यान्डबल प्रतियोगिता सुरु भएको हो । प्रतियोगिताको पहिलो दिन पुरुषतर्फ
सात खेल सम्पन्न हुँदा महिलातर्फ लिगचरणका खेल सम्पन्न भएका छन् । महिलातर्फ
लिगचरण सकिएसँगै पर्वत र नवलपुर बाहिरिएको छ ।
महिलातर्फको पहिलो खेलमा बागलुङ्गले म्याग्दीमाथि ६–१ को विजयी हासिल गरेको छ ।
कास्कीले नवलपुरलाई १०–० गोलले पाखा लगायो । म्याग्दीले पर्वतलाई ८–०, स्याङ्जाले
नवलपुरलाई ६–५, बागलुङ्गले पर्वतलाई १२–० र कास्कीले स्याङ्जालाई ९–१ गोलले
हराउँदै सेमीफाइनलमा प्रवेश गरेको छ ।
पुरुषतर्फ भएको पहिलो खेलमा कास्कीले गोर्खामाथि १७–१ को जित दर्ता गरेको छ ।
तनहुँले म्याग्दीलाइृ १८–७, स्याङ्जाले पर्वतलाई १४–९, बागलुङ्ले नवलपुरलाई १७–४,
म्याग्दीले गार्खालाई २४–३, कास्कीले तनहुँलाई २६–२१ र स्याङ्जाले नवलपुरलाई
२०–४ गोलअन्तरले हराउन सफल भएको हो ।
प्रतियोगिताको उद्घाटन गर्दै प्रदेश खेलकुद परिषद गण्डकीका उपाध्यक्ष ध्वजकुमार गुरुङ् ले

गण्डकी प्रदेश खेलकुदको विकासमा अघि रहेको बताए । उनले खेलाडी उत्पादनका लागि
प्रदेशस्तरीय खेलकुद प्रतियोगिता देखी ग्रासरुट सम्मका खेल सञ्चालन गरिराखेको  बताए । सोही
क्रममा प्रतियोगिताको बारेमा जानकारी दिदैँ ह्यान्डबल संघ गण्डकीका उपाध्यक्ष
गिरमान गुरुङ्गले पोखरा रंगशालाको कभर्ड हल र ह्यान्डबल कोर्टमा प्रतियोगिता सञ्चालन
भएको बताए ।
पुरुषतर्फको समुह ए मा कास्की, गोरखा, तनहुँ र म्याग्दी तथा समूह बी मा बागलुङ्ग
नवलपुर, स्याङ्जा र पर्वत रहेका छन् । महिला तर्फ समूह ए मा बागलुङ्ग, म्याग्दी, पर्वत र समूह
बी मा कास्की, नवलपुर, स्याङ्जा रहेका छन् ।
प्रतियोगिताको उपाधि बिजेता महिला तथा पुरुष टिमले समान नगद रु ५०–५० हजार,
उपविजेताले ३०–३० हजार तेस्रो हुने टिमले नगद रु १५–१५ हजारका साथमा ट्रफी, मेडल
तथा प्रमाणपत्र प्राप्त गर्नेछन् । त्यसै गरी सर्वोत्कृष्ट हुने महिता तथा पुरुष खेलाडीले समान
नगद रु ५–५ हजारका साथमा ट्रफी र अन्य उत्कृष्ट हुने विद्यागत खेलाडीहरुले जनही
नगद रु २ हजार ५ सयका साथमा ट्रफी प्राप्त गर्ने भएका छन् ।
दशौं राष्ट्रिय खेलकुद प्रतियोगिताका लागि प्रारम्भिक खेलाडी छनौट समेत गरिने भएको
संघका अध्यक्ष एवं खेल पत्रकार केशव पाठकले जनाएका छन् । कार्यक्रममा लोकतान्त्रिक
खेलकुद संघका अध्यक्ष देवेन्द्र शेरचन, गण्डकी प्रदेश ह्यान्डबल संघका उपाध्यक्ष शान्ती
थापा, सदस्य शान्ता सिंह बस्नेत लगायतको समेत सहभागिता रहेको थियो ।