आँखाको ज्योति बढाउने कुरा आउँदा सबैभन्दा पहिले गाजर खान सिफारिस गरिन्छ । गाजरमा आँखाको ज्योति बढाउन मद्दत गर्ने धेरै गुणहरू हुन्छन् । यद्यपि, राम्रो आँखाको ज्योतिको लागि गाजरमा मात्र भर पर्नु ठिक होइन ।

केही अन्य चीजहरू पनि छन्, जसको सेवन गरेर तपाईँले आफ्नो आँखाको ज्योति बढाउन सक्नुहुन्छ । आजको समयमा हाम्रो स्क्रिन समय बढेको छ । यस्तोमा आँखाको स्वास्थ्य कायम राख्न धेरै महत्त्वपूर्ण छ ।

आजको यस लेखमा हामी आँखाको ज्योति बढाउन मद्दत गर्ने केही खानेकुराहरूबारे कुराकानी गर्नेछौँ ।

क्जष्खबm ऋझभलत
आँप
आँपमा बिटा–क्यारोटिन र भिटामिन ए हुन्छ, जसले आँखाको ज्योति बढाउन मद्दत गर्दछ । यसले फ्री–रेडिकलहरूबाट बचाउँछ र सुख्खापनको समस्या घटाउँछ ।

करेला
करेलामा भिटामिन ए र बिटा–क्यारोटिन हुन्छ, जसले मोतियाबिन्दु जस्ता समस्याहरूलाई रोक्न मद्दत गर्दछ । यो कालो घेरा कम गर्न र आँखाको ज्योति बलियो बनाउन मद्दत गर्दछ ।

काजू
काजूमा जियाक्सान्थिन एन्टिअक्सिडेन्ट हुन्छ, जसले आँखालाई युभी किरण र प्रदूषणबाट जोगाउन मद्दत गर्दछ । यसले रेटिनालाई बचाउँछ र सङ्क्रमणको जोखिम कम गर्छ ।

सुन्तला
सुन्तला भिटामिन सी प्रचुर मात्रामा पाइन्छ, जसले आँखाको कोषहरूलाई बलियो बनाउँछ र दृष्टि सुधार गर्छ । यसले आँखाको जलन र इन्फ्लेमेशन ९सुन्निएको० कम गर्न पनि मद्दत गर्छ ।

पालुङ्गो
पालुङ्गोमा लुटिन र जियाक्सान्थिन हुन्छ, जसले आँखालाई हानिकारक प्रकाशबाट जोगाउँछ । यसले रेटिनालाई जोगाउँछ र आँखाको थकान कम गर्छ ।

तपाईँ पनि आफ्ना आँखाको ज्योति सुधार गर्न चाहनुहुन्छ भने आफ्नो खानामा आजैदेखि यी ५ चीजहरू समावेश गर्नुहोस् । यसले आँखाको ज्योतिलाई तिखार्ने मात्र होइन, आँखालाई स्वस्थ पनि राख्नेछ ।

अस्वीकरणस् यहाँ दिइएका सल्लाह अनलाइनबाट तयार पारिएको हो । यसले सामान्य जानकारी मात्रै दिन्छ । यसलाई पालना गर्नु अघि आफ्नो चिकित्सकसँग परामर्श गर्नु होला ।