युरोपेली सुपर लिगका संस्थापक १२ क्लबमध्ये ६ वटा इंलिस क्लबले यस लिगमा सहभागी नहुने जनाएका छन् । आइतबार सुपर लिगको घोषणा भएसँगै विश्वभर फुटबल समर्थकहरुले विरोध जनाएका थिए । त्यसयता, म्यानचेस्टर सिटी र चेल्सीले सबैभन्दा पहिले यस लिगबाट नाम फिर्ता लिए । त्यसपछि म्यानचेस्टर युनाइटेड, आर्सनल, लिभरपुल र टोट्टेनह्यामले पनि त्यही बाटो पछ्याए ।
सिटीले नै सबैभन्दा पहिले सुपर लिग छाड्ने घोषणा ग¥यो । आर्सनलले आफ्ना समर्थकसँग माफी मागेको छ । ‘तपाईहरु र बृहत्तर फुटबल समुदायको आवाज सुन्दाको परिणामस्वरुप हामीले प्रस्तावित लिगबाट नाम फिर्ता लिएका छौं । हामीले गल्ती गरेका छौं र माफी चाहन्छौं,’
आर्सनलको ट्वीटरमा उल्लेख छ । म्यानचेस्टर युनाइटेडले पनि यस्तैखाले भाव व्यक्त गरेको छ । टोट्टेनह्यामका अध्यक्ष डेनियल लेभीले पनि सुपर लिगमा सहभागी हुने आफ्नो निर्णयप्रति पछुतो व्यक्त गर्दै माफी मागेका छन् । लिभरपुलले पनि आफ्ना फ्यानहरुलाई सुपर लिगसँगको आफ्नो सम्पर्क सकिएको जनाएको छ ।
इंलिस क्लबहरुको बहिगर्मनपछि अब सुपर लिगमा केवल ६ वटा क्लबमात्रै बाँकी छन् । स्पेनबाट एथलेटिको म्याड्रिड, बार्सिलोना र रियल म्याड्रिड तथा इटलीबाट एसी मिलान, इन्टर मिलान र युुभेन्टस्मात्रै अब सुपर लिगमा छन् । जबकी, यो लिगमा कुल २० वटा क्लबलाई समावेश गर्ने योजना बनाइएको छ । त्यसमध्ये १५ वटा क्लब संस्थापक सदस्य हुने र बाँकी ५ वटा क्लबहरु छनोट खेलेर आउने फर्म्याट तय भएको थियो ।
६ वटा इंलिस क्लबले यस लिगमा सहभागी नहुने
६ वटा इंलिस क्लबले यस लिगमा सहभागी नहुने
Advertisement
Advertisement
तपाईको प्रतिक्रिया
संबन्धित शिर्षकहरु
एन्फा अध्यक्षसहित चार जनाविरुद्ध मुद्दा चलाउन सीआईबीको सिफारिस
१०औँ राष्ट्रिय खेलकुद प्रतियोगिता मंसिर १६ देखि २९ गतेसम्म कर्णाली प्रदेशमा हुने
