फिफा विश्वकप कतार २०२२ र एसियन कप २०२३ को कुवेतमा हुने फिफा विश्वकप छनोटअन्तर्गत नेपालले खेल्ने तीनै खेलको प्रत्यक्ष प्रसारण कान्तिपुर टेलिभिजनले गर्ने भएको छ । जसको प्रत्यक्ष प्रसारणका लागि अखिल नेपाल फुटबल संघ एन्फा र कान्तिपुर टेलिभिजनबीच सम्झौता भएको छ ।

जसमा अखिल नेपाल फुटबल संघ ९एन्फा०को तर्फबाट महासचिव इन्द्रमान तुलाधर र कान्तिपुर टेलिभिजनका मार्केटिङ हेड गौरी दाहालले सम्झौतापत्रमा हस्ताक्षर गरेका थिए । यसको बजार व्यवस्थापनको जिम्मा एडी रिलिजले गर्नेछ ।

फिफा विश्वकप छनोटको दोस्रो चरणमा नेपालले कुवेतमा तीन खेल खेल्नेछ । जसमा जेठ २० गते चाइनिज ताइपेई, जेठ २४ गते जोर्डन र जेठ २८ गते अस्ट्रेलियासँग खेल्नेछ । नेपालले घरेलु मैदानमा खेल्नुपर्ने प्रतियोगिता कोभिडका कारण न्युट्रल भेन्युमा खेल्न लागेको हो ।

एसियन फुटबल महासंघ ९एएफसी०ले समूह ‘बी’का सबै खेल कुवेतमा गराउने निर्णयअनुसार नेपालले कुवेतमा दोस्रो चरणका खेल खेल्न लागेको हो । नेपालले खेल्ने सबै खेल नेपाली समयअनुसार राति ९स्४५ बजे हुनेछ । नेपाली टोली विश्वकप छनोटका खेल खेल्न आइतबार कुवेत पुगेर प्रशिक्षण सुरु गरिसकेको छ । कुवेत जानुअघि नेपालले इराकसँग उसकै भूमिमा मैत्रीपूर्ण खेल खेलेको थियो ।

नेपाली टोलीको प्रदर्शनमा सुधार भए पनि ६–२ ले निराश बन्न पुगेको थियो । विश्व कप छनोटमा कुवेतसँग दुवै खेल भने नेपालले खेलिसकेको छ । कुवेतसँग पहिलो खेलमा उसकै मैदानमा ७–० को हार बेहोरेको नेपालले भुटानमा भएको खेलमा १–० ले गुमाएको थियो । छनोटको अन्य अवे खेलमा चाइनिज ताइपेईलाई २–० ले हराएको थियो ।

अस्ट्रेलियासँग ५–० र जोर्डनसँग ३–० को पराजय भोगेको थियो । नेपाल अहिले अंक तालिकामा ३ अंकका साथ चौथो स्थानमा छ । नेपालको ५ खेलमा १ जित र ४ खेलमा हार बेहोरेको थियो । अंक तालिको पुछारमा रहेको ताइपेईले अंक जोड्न सकेको छैन ।

अस्ट्रेलिया १२ अंकका साथ शीर्षस्थानमा छ भने कुवेत र जोर्डनको समान १० अंक छ । अंक तालिकाको चौथो स्थानमा रहँदै छनोट चरण सकेको खण्डमा नेपालले एसियन कप छनोटको तेस्रो राउन्डमा सोझै स्थान बनाउने अवसर रहनेछ । विश्वकपमा छनोट हुने नेपालको सम्भावना भने गणितीय रूपमा मात्र बाँकी छ ।