आँखामा पीडा हुने, घोच्ने, पोल्ने, रातो हुने र थकान महसुस हुनुलाई ‘ड्राइ आइ’ को समस्या भन्ने गरिन्छ । अप्टोमेट्रिस्ट डा। स्याम बर्नका अनुसार आँखामा यस्तो समस्या आउनुको पछाडि दुई वटा कारण रहेका छन् । पहिलो कारण आँखा सुन्निनु र अर्को डिजिटल आई स्ट्रेन हो ।
अमेरिकी स्वास्थ्य एजेन्सी ९ऋम्ऋ ० ले कम्प्युटर, मोबाइल र ल्यापटपमा बस्दा ६६ प्रतिशत कम झिम्क्याइन्छ । एक रिपोर्टका अनुसार पछिल्लो दुई वर्षमा लकडाउनको परिस्थितिका कारण धेरै जस्तो बालबालिका दिनभर कम्तीमा ४ घण्टा स्क्रिनमा बिताउने गरेका छन् ।
विशेषज्ञका अनुसार यस्तो समयमा २०–२०–२० को सूत्र अपनाउनुपर्छ । स्क्रिनमा हेरेको हरेक २० मिनेटमा २० सेकेन्डसम्म २० फिट टाढा हेर्ने गर्नुपर्छ ।
स्क्रिनमा बस्दा के गर्ने रु
–कम्प्युटर, ल्यापटप वा मोबाइलको स्क्रिनमा हेर्दा आँखाभन्दा तल २० इन्च तलको दूरीमा आफ्नो हातको बराबरको दुरीमा राख्नुस् ।
–स्क्रीनमा हेर्दा चस्मा लगाउने ।
–स्क्रीनमा हेर्ने समयमा आँखा झिम्क्याउन भुल्नुहुँदैन । यसले सुख्खा हुने र धमिलो देख्ने समस्याबाट बचाउँछ ।
–स्क्रीन वा आसपास पर्याप्त मात्रामा उज्यालो हुन आवश्यक हुन्छ । ग्याजेटको लाइट पनि धेरै उज्यालो वा कम उज्यालो बनाउन हुँदैन ।
–आँखा थाकेको समयमा रगड्ने गर्नुहुँदैन । यसले आँखामा संक्रमण गराउँछ ।
–स्क्रीनको फ्रन्ट साइज ठूलो बनाउनुपर्छ । जसका लागि स्पष्ट देखिने फ्रन्टको प्रयोग उचित मानिन्छ ।
–पर्याप्त मात्रा निन्द्रा र पर्याप्त मात्रामा पानी पिउने गर्दा आँखामा सुख्खापन आउन पाउँदैन ।
के–के खाने रु
आँखालाई सधैँ स्वस्थ र तन्दुरुस्त राख्नका लागि हरिया सागपात प्रशस्त मात्रामा खाने गर्नुपर्छ । यसका साथै, ओखर, काजु, बदाम जस्ता ओमेगा–३ पाइने खानेकुरा, भिटामिन इ पाइने खानेकुरा खाने गर्नुपर्छ ।
यस्तै, चिया सिड्स पनि खाने गर्दा आँखालाई फाइदा पुग्छ । साथै, फाइबर, प्रोटिन र जिंकयुक्त खानेकुराको सेवनले आँखालाई धेरै फाइदा पुग्छ । यति मात्र होइन स्वस्थ आँखाको लागि समय समयमा डाक्टरको सल्लाह लिन पनि आवश्यक छ ।
