तालिबानले सोमबार पञ्जशिरमा विजय घोषणा गर्दै आफ्नो झन्डा फहराएको छ । तालिबानका प्रवक्ता जुबीहुल्ला मुजाहिदले विज्ञप्ति जारी गर्दै पञ्जशिर आफ्नो समूह विजयी भएको बताएका छन् ।
अफगानिस्तानमा तालिबानले कब्जा गर्न नसकेको भूभाग यहीमात्रै थियो । राजधानी काबुलबाट उत्तरपूर्वतर्फ रहेको यस क्षेत्रमा तालिबानी लडाकुहरुले झन्डा उठाइरहेको भिडियो अनलाईनमार्फत सार्वजनिक गरिएको छ ।
यता, राष्ट्रिय प्रतिरोधी मोर्चा ९एनआरएफ० का प्रवक्ता अली मैसमले तालिबानको यो दाबीलाई खण्डन गरेका छन् । उनले तालिबान र उसको सहयोगीहरुविरुद्ध युद्ध जारी रहेको बताएका छन् ।
सबै रणनीतिक स्थानमा आफ्नो उपस्थिती रहने र लडाँइ निरन्तर जारी रहने एनआरएफले जनाएको छ । एनआरएफका मुख्य नेता अहमद मसूदले सामाजिक सञ्जालमार्फत अडियो सार्वजनिक गर्दै तालिबानविरुद्ध राष्ट्रव्यापी अभियान चलाउन आव्हान गरेका छन् । ‘तपाई भित्र हुनुस् वा बाहिर । म तपाईंहरुलाई स्वाभिमान, स्वतन्त्रता र यस देशको समृद्धिका लागि राष्ट्रव्यापी आन्दोलन गर्न आव्हान गर्दछु,’ उनले भनेका छन् ।
तालिबानले तीन साताअघि नै काबुल कब्जा गरिसकेको थियो र त्यसयता अफगानिस्तानबाट पश्चिमा समर्थनप्राप्त सरकार हटिसकेको छ ।
१ लाख ५० हजारदेखि २ लाख हाराहारीमा जनसंख्या रहेको पन्जशिरमा भने तालिबानले कब्जा जमाउन सकेको थिएन । २० वर्षअघि अमेरिकासँगको युद्ध हार्नुअघि पनि अफगानिस्तानमा तालिबानी शासन थियो । तर, त्यतिबेला पनि पञ्जशिरमा उनीहरुको उपस्थिति थिएन ।
पञ्जशिरमा तालिबानले झन्डा गाडेपनि विपक्षीले हार स्वीकारेन
पञ्जशिरमा तालिबानले झन्डा गाडेपनि विपक्षीले हार स्वीकारेन
Advertisement
Advertisement
तपाईको प्रतिक्रिया
संबन्धित शिर्षकहरु
युनाइटेड क्लबको १७ औं साधारण सभा तथा आठौं अधिवेशन सम्पन्न अध्यक्षमा गणेश तिमिल्सिना
राष्ट्रिय साहित्य महोत्सव आगामी मंसिरको पहिलो साता आयोजना हुने
