पोखरा । पोखराको एनएमबी बैंकको एटिएम मेसिन फोडेर १५ लाख चोरि भएको छ ।
पोखरा महानगरपालिका वडा नं.२६ को अर्घौचोकमा रहेको एनएमबी बैंकको एटिएम मेसिन फोरेर रकम चोरेको दुई दिन बितिसक्दा पनि कास्की प्रहरीले आरोपीको सुइको सम्म पाउन सकेको छैन।
चोरि गर्ने कार्यमा प्रयोग गरेको भनिएव्को बुलेट बाइक्र र एटिएमभित्रको पैसा राख्न पर्योग भएका बाकस भोलिपल्ट नै प्रहरीले भेट्टाए पनि प्रहरीले घटनामा संलग्न व्यक्ति पत्ता लाग्न सकेको छैन ।
अन्य सामान्य घटनाका बारेमा पत्रकार सम्मेलन गरेर वा बिज्ञप्ति निकालेर सार्वजनिक जानकारी दिने गरेको जिल्ला प्रहरी कार्यालय कास्कीले यस चोरीका बारेमा अहिलेसम्म कुनै जानकारी दिएको छैन। तर प्रहरीले अर्घौंचोक भन्दा भित्री सडक छेउमा भेटिएको बुलेट बाइक स्थानीय बासिन्दाको भएको बताएको छ।
डाँडाकोनाक प्रहरीचौकीबाट करिब ५ सय मिटरको दुरीमा पृथ्वी राजमार्गमा रहेको बैंकको एटिएम मेसिन मंगलबार राति २ बजेतिर तोडफोड भएको हो ।
बैंकको सिसि टिभी फुटेजमा एटिएम कोठामा पसेर १५/२० मिनेटमा सामान्य तरिकाले लक खोलेर त्यहाँ रहेका दुई पैसाका बाकस निकालेर लगेको देखिएको छ । पुरै अनुहार ढाक्ने खालको फुल हेल्मेट लगाएको व्यक्ति एटिएम भित्र पसेर गराएको उक्त घटनामा पैसाको बाकस अर्घौचोकपछाडिको विचारी चौतारीमा छाडी पैसा निकालेर लगिएको प्रहरीले जनाएको छ ।
बैंकले सोमवार दिउँसोमात्र १७ लाख रुपैयाँ एटिएममा राखेको थियो । केही रकम ग्राहकले निकाले पनि बाँकी १५ लाख चोरी भएको बैंकले जनाएको छ ।
